Bókmenntagagnrýni, ritdómar

Ég hef skrifað bókmenntagagnrýni / ritdóma í áratug, fyrst á DV og síðan á MBL. Bókum er úthlutað af ritstjórn og koma flestar í hús í jólavertíðinni. Þetta er krefjandi starf og stórskemmtileg iðja og ég legg mig fram um að vera fagleg og óháð í mínum ritdómum, finna bæði kost og löst, og lít svo á að ég sé fyrst og fremst að þjóna almennum lesendum. Ég vil þakka öllum þeim sem hafa lesið skrif mín  yfir fyrir mig í gegnum árin, gagnrýnt þau, hvatt mig áfram og stungið að mér góðum hugmyndum, sérstaklega þeim Huldu Egilsdóttur og Steinunni Haraldsdóttur. Nú eru ritdómar frá árinu 2000 komnir á einn stað og verða aðgengilegir hér í framtíðinni, njótið vel. Munið bara að geta heimildarinnar (höfundur, ártal, titill ritdóms, slóð og dagsetning) ef meiningin er að nota úr dómunum í ritgerðir o.þ.h.